Maluwang or Maluwag?

FYI lang po. :)

A.   Maluwang - roomy, much space 
      Luwang - width / broadness / spaciousness
      Lumuwang - to become broader 

Halimbawa:

• Nagmukhang mas maluwang ang opisina matapos malinisan.
• Niluwangan niya ang bukas ng pinto.
• Maganda ang silid niya, maluwang at maliwanag.

Presko at Sariwa

Pareho ang translation sa English: fresh.

Puwede nating sabihing, 'presko ang hangin' o 'sariwa ang hangin'. Parehong tama, pero hindi sa lahat ng pagkakataon ay interchangeable sila. May mga ibang pagkakataon na hindi puwedeng palitan ng isa ang isa.

Halimbawa ng maling gamit:

Sariwa ang pakiramdam niya kasi kaliligo niya lang.

Preskong isda. Preskong gulay at prutas. Preskong gatas. 

Sariwang tubig (fresh water). Tubig tabang na lang, hehe.

Paalala lang naman. :)

Minsan parang binobola lang ako ni Google Translate sa mga pinagbibibigay niyang translations. At least, dito, hindi naman. :)

More on Common Mistakes

Madalas napapagpalit-palit ang gamit ng mga salitang ito. Linawin lang natin nang kaunti. :)


HABANG - while, during. 
(May dalawang action na nangyayari nang sabay)

Halimbawa:
1. Nagluto muna si Bob habang hinihintay ang pagdating ni Lina.
2. Makapagsulat na lang muna habang walang tanggap na sideline.
3. Nanonood sila ng TV habang nagpapahinga.

HANGGANG - until, up to this certain place, point or period of time

Halimbawa:
1. Naglakad ako mula Trinoma hanggang Muñoz.
2. Bigyan mo ako hanggang sa Linggo, gagawin ko 'yang sirang gripo.
3. Sakay ka ng bus mula diyan sa kanto tapos baba ka ng GMA. Tapos mula doon, mag-jeep ka na lang hanggang SSS.

HANGGA'T - unless, if not. 
(Kadalasan ginagamit sa negative) 

Halimbawa:
1. Hangga't hindi ko sinasabi, huwag kang hihinto sa pagtakbo.
2. Hindi ka uuwi hangga't hindi mo 'yan natatapos.
3. Ayaw niyang bumangon hangga't walang lutong almusal.

KUNG DI - (pinaiksing 'kung hindi') if not din pero iba ang gamit sa hangga't. 

1. Kung di ka sasama, hindi na rin ako sasama.
2. Okay na sana kung di lang siya nuknukan ng yabang.
3. Masaya ngang lumuwas pa-probinsya kung di lang sobrang init ng panahon. 

KUNDI - but. Iba ang gamit sa 'pero' dahil karaniwan sa pang-negative statements ito. 

Halimbawa:
1. Hindi 'yang juice kundi itong kape.
2. Wala siyang nagawa kundi magmukmok.
3. Mag-a-abroad siya hindi lang para sa mga anak niya, kundi para rin sa kanyang mga magulang at kapatid.

Maliwanag na ba? O mas lalong gumulo? :)